പുതുവര്‍ഷം

പുതുവത്സരത്തിന് പുതുതായൊന്നും തുടങ്ങരുത്. തുടങ്ങാനുള്ളത് പുതുവത്സരത്തിലേക്ക് മാറ്റിവയ്കുകയുമരുത്.

I love this quote from steve jobs

“Your time is limited, so don't waste it living someone else's life. Don't be trapped by dogma - which is living with the results of other people's thinking. Don't let the noise of other's opinions drown out your own inner voice. And most important, have the courage to follow your heart and intuition. They somehow already know what you truly want to become. Everything else is secondary.”

വിലക്കയറ്റം

എന്താ വിലക്കയറ്റം!
സാധനങ്ങള്‍ക്ക് വിലക്കയറ്റം അവിശ്വസനീയമാം വിധത്തില്‍ കുതിച്ചുകയറിയിട്ടുണ്ട്.
ഇങ്ങനെയായാല്‍ ആളുകളെങ്ങനെ ജീവിക്കും!

മഴ

നാട്ടില്‍ ചെന്നപ്പോ, അന്നു തുടങ്ങിയ മഴ, തിരിച്ചു വരുന്നതു വരെ തോര്‍ന്നില്ല.
ഞങ്ങള്‍ വിടുമോ, മഴയത്തു തന്നെ നടക്കാനിറങ്ങി. കുടയെടുത്ത് പാടത്തൂടെ നടന്ന് പാറയില്‍പ്പോയി. ഇപ്പോ പാടത്ത് നിറയെ പാമ്പുകളാണെന്ന് രമേട്ടന്‍ പറഞ്ഞു; കൂടിയ ഇനം !

Graphic Novel


ദുബായില്‍ നിന്നും വാങ്ങിയ ഗ്രാഫിക് നോവലുകള്‍.

A.R. Rahman

(ഇന്ന് അതിരാവിലെ കണ്ട സ്വപ്നം)


വേലി കഴിഞ്ഞ് കാടു പിടിച്ചു കിടക്കുന്ന വഴിയിലൂടെ നടന്ന് ആ വീടെത്തി.മുന്‍പില്‍ കുറച്ച് ആളുകള്‍ ഇരിക്കുന്നുണ്ട്.കഷണ്ടിയും ബുള്‍ഗാനുമൊക്കെയായി.

പുള്ളിക്കാരനെവിടെ?”

അപ്പുറത്തുണ്ടെന്ന് അവര്‍ ആംഗ്യം കാണിച്ചു.

അതൊരു പഴയ ടൈപ്പ് ഓട്ടുപുരയാണ്.ഓടിനു മുകളില്‍ ഇലകളൊക്കെ വീണു പായലുപിടിച്ചു കിടക്കുന്നു.

ഇറങ്ങിക്കിടക്കുന്ന പുറകുവശത്തെ ഓട് തട്ടാതിരിക്കാന്‍ കുനിഞ്ഞു നടക്കുമ്പോള്‍ വീടിനോട് ചേര്‍ന്ന പഴയ പശുത്തൊഴുത്ത് കണ്ടു.

വീടിനകത്തു കടന്നതും കണ്ടു, ആ മുറിയിലെ ലൈറ്റ്.

അയാള്‍ തിരിഞ്ഞ് എന്നെ നോക്കി ചിരിച്ചു; ഞാനും.

എ ആര്‍ റഹ്മാന്‍.’

കണാരേട്ടനെപ്പോലെയോ നാണുവേട്ടനെപ്പോലെയോ ഉണ്ട്. ഷര്‍ട്ട് ഇട്ടിട്ടില്ല. ഒരു കൈലി മാത്രം.

സിനിമയ്ക്ക് മ്യൂസിക് ചെയ്യണമെന്നു പറഞ്ഞു. കഥയുടെ ഒരു സീന്‍ പറഞ്ഞു. റഹ്മാന്‍ ചെയ്യാമെന്നേറ്റു. ഓസ്കാര്‍ കിട്ടിയതിനു ശേഷം അപ്രോച്ചബിളല്ലെന്ന് തോന്നിയിട്ടാവണം ആരും വിളിക്കുന്നില്ലത്രേ. എത്രയാകുമെന്നു ചോദിച്ചു.പതിനാറു കോടി. എന്റെ ഞെട്ടല്‍ കണ്ട് പുള്ളിക്കാരന്‍ പറഞ്ഞു : “പേടിക്കാതെ,സി ഡി വിറ്റാല്‍ കിട്ടും”.

സിനിമയെപ്പറ്റി കുറേ സംസാരിച്ചതിനു ശേഷം പുറത്തേക്കു നടക്കാമെന്നു പറഞ്ഞു.

വീടിനു പുറകു വശത്ത് നനവുള്ള ഇലകള്‍ വീണു കിടക്കുന്ന വഴിയിലൂടെ നടന്നു.പിന്നെ ഒരു കൊച്ചു ചതുപ്പു പ്രദേശമാണ്.അതിനപ്പുറത്ത് കനാല്‍.

അതിന്റെ അപ്പുറത്തും നമ്മുടെ സ്ഥലമാണ് കേട്ടോ...”

ഇതെന്തു പറ്റി, ഈ പ്രദേശത്തു വന്ന് സ്ഥലം വാങ്ങാന്‍?”

എന്റെ പണ്ടേ ഉള്ള ആഗ്രഹമാണ്.”

പിന്നെ എണീറ്റു.

ചിന്തയും സൌന്ദര്യവും

അതിരാവിലെ.
നല്ല മഞ്ഞ്.
ബസ്സ് ഒരു വളവു തിരിഞ്ഞു.
മുന്നില്‍, അതി മനോഹരമായ ഒരു ദൃശ്യം.
മഞ്ഞ് മൂടിക്കിടക്കുന്ന ഒരു നദി.
പക്ഷികള്‍ വരിയായി പറക്കുന്നു.
ഹൊ!
ഒരു പെയിന്റിംഗ് പോലെ...
മനസ്സ് സന്തോഷം കൊണ്ട് നിറഞ്ഞു.
ബസ്സ് ആ നദിക്കു കുറുകെയുള്ള പാലത്തിലേക്ക് കടന്നു.
അപ്പോഴാണ്...

താഴേക്കൂടി ഒഴുകുന്നത് അഴുക്കുചാലാണ് ; കീലിന്റെ നിറമുള്ള അഴുക്കുചാല്‍!

ഒന്നിനെക്കുറിച്ചുള്ള ചിന്തകളുമായും അറിവുമായും സൌന്ദര്യാനുഭവം ബന്ധപ്പെട്ടു കിടക്കുന്നുവെന്ന് അന്ന് മനസ്സിലാക്കി.


പഴശ്ശിരാജാ

“കരഞ്ഞോളൂ...
പക്ഷേ പഴശ്ശിരാജായെ ഓര്‍ത്തല്ല.
ഭാഗ്യം കെട്ട നമ്മുടെ മലയാളസിനിമയെ ഓര്‍ത്ത്...”

S. N. College, Alathur
















മുന്‍പ് പഠിച്ച കോളേജില്‍ മൂന്ന് കൂട്ടുകാരുമൊത്ത് പോയിട്ട് ഒരാഴ്ച്ചയായിട്ടും ഓര്‍മ്മകള്‍ ഒതുങ്ങുന്നേയില്ല.
അന്ന് ക്ലാസില്‍ ഒരുമിച്ചു പഠിച്ചവരില്‍ ഇപ്പോഴും ബന്ധമുള്ള ഒരേയൊരു കൂട്ടുകാരന്‍ പ്രദീപിനെ, ഓരോന്നോര്‍ക്കുമ്പോഴും വിളിക്കും. കേട്ടുകേട്ടവന് ബോറടിച്ചുകാണും.
പതിനാറ് വര്‍ഷം മുന്‍പ് മരങ്ങള്‍ക്കിടയിലൂടെയുള്ള ഈ വഴിയിലൂടെയാണ് നടന്ന് പോയത്.നടക്കുന്തോറും ഓരോ കല്ലുകള്‍ വരെ സുപരിചിതം.
ഫസ്റ്റ് ഇയറിന് ഇരുന്ന സീറ്റില്‍ ഇരുന്നപ്പോള്‍...
ക്ലാസിലെ കൂട്ടുകാര്‍...
ഇംഗ്ലീഷ് പറയാന്‍ ശ്രമിക്കുന്ന വിജയകുമാര്‍.
ഹിന്ദു’ സപ്ലിമെന്റ് കൊണ്ട് പുസ്തകത്തിന് കവറ് ഇട്ടു വരുന്ന പീച്ചി.
പാട്ടുപാടുന്ന അജയന്‍ (‘ഒളിക്കുന്നുവോ...‘ എന്ന പാട്ട് നല്ല ഓര്‍മ്മയുണ്ട് ).
കടമ്മനിട്ടക്കവിത ചൊല്ലിയ സുനില്‍.
അജയകുമാര്‍ സാറിന്റെ ക്ലാസില്‍ ഉച്ചത്തില്‍ ഇംഗ്ലീഷ് പാഠഭാഗം വായിക്കുന്ന തുളസി.
ബിന്ദു,സ്മിത,അനുസ്മിത,ജുബി,അമൃതരാജ്,രജനി,മലയാളം ക്ലാസില്‍ വരുന്ന മഹേഷ്...

ഉച്ചയൂണു കഴിക്കാനായുള്ള പാറമടയിലേക്കുള്ളയാത്ര.
ചെക് ഡാമിലേക്കുള്ള യാത്രകള്‍ .
സമരങ്ങള്‍ .
തിരക്കൊഴിയാത്ത ബസ്സിലെ യാത്ര.
മയിലുകള്‍ .
കവിതകളെഴുതുന്ന അമൃതടീച്ചര്‍ .
ചിത്രം വര.
കോളേജ് ഡേ.
പൂക്കളമത്സരം.
ഓരോന്നോര്‍ത്ത് നിന്നപ്പോള്‍ മഴ പെയ്യാന്‍ തുടങ്ങി.
മഴ തോര്‍ന്നപ്പോള്‍ ഗേറ്റിനു പുറത്തെ കാന്റീനിലേക്കും പോസ്റ്റ് ഓഫീസിലേക്കും പോയി.
കാന്റീന്‍ പൊളിഞ്ഞ് കാടുപിടിച്ച് കിടക്കുന്നു.
***
ദൈവം പ്രത്യക്ഷപ്പെടുന്നു.
എന്തു വരമാണ് വേണ്ടത്?”
ദൈവമേ,എനിക്ക് പ്രീഡിഗ്രി ക്ലാസില്‍ പഠിക്കുന്ന കാലത്തേക്ക് വീണ്ടും പോണം.ഒന്നുകൂടി ആ കാലം ജീവിക്കണം;
കുറച്ചുകൂടി ആസ്വദിച്ച്...
കുറേക്കൂടി സത്യസന്ധമായി...
കുറേക്കൂടി സൌഹൃദം പങ്കിട്ട്...”

സാമ്പത്തിക പ്രതിസന്ധി

“സാമ്പത്തിക പ്രതിസന്ധി കാരണം ഞാന്‍ തടി വച്ചു.”
“ ? ”
“ പൈസയില്ലാത്തതു കൊണ്ട് കാറില്‍ പെട്രോളടി കുറവ്...”
“ ? ”
“ പിന്നെ ഷട്ടില്‍ ബാറ്റു പൊട്ടി ; കാറുപയോഗിക്കാത്തതു കൊണ്ട് മ്യൂസിയത്തുള്ള നടത്തം നിന്നു, പുതിയ ബാറ്റു വാങ്ങാന്‍ കാശില്ലാത്തതു കൊണ്ട് കളിയും നടക്കുന്നില്ല.
അങ്ങനെ തടി കൂടി .”
(എന്റെ കൂട്ടുകാരന്‍ പറഞ്ഞത് )

21 june 2009

കാറ്റു പറന്നു വന്ന്
ഇരടിയ കാലിന്‍ ചുവട്ടില്‍
ഒരില നിക്ഷേപിച്ചു;
ചെറിയൊരോര്‍മ്മപ്പെടുത്തല്‍.
വിരുന്നിനു പോയൊരാള്‍
ജനാലക്കമ്പിക്കിടയിലൂടെ
കണ്ണു പുറത്തേക്കിട്ടു.
ശീമക്കൊന്നയ്ക്കിടയില്‍ വെയില്‍
കുത്തിമറിയും മുമ്പേ
അയാള്‍ അവിടം വിട്ടു.
കുനിഞ്ഞ് കിണറ്റില്‍ നിന്നൊരിറക്ക്.
കാലിലെ മുള്ള് വേലിക്കല്‍ വച്ച്
ദൂരത്തെ ചവിട്ടി നീക്കി.

നാട്ടില്‍ ഈ ആഴ്ചയും പോയിരുന്നു.

എന്താ മഴ.കുറച്ചു ഫോട്ടോകള്‍ വൈകാതെ പോസ്റ്റ് ചെയ്യാം.

പുഴ

വെറുതെ സംസാരിച്ചിരിക്കാനായി മിക്കവാറും ചെന്നിരിക്കാറുള്ള കുന്നിലേക്ക് പോയപ്പോള്‍ അതും കമ്പിവേലി കെട്ടി മറച്ചു കൊണ്ടിരിക്കുന്നു.അങ്ങനെ ഞങ്ങള്‍ അടുത്തുള്ള പുഴയിലേക്ക് പോയി.
മോശം വെള്ളമായതിനാല്‍ ഞാനിറങ്ങിയില്ല.പണ്ടാണേല്‍ കുഴപ്പമില്ല.ഇപ്പൊ ശരീരത്തിന്റെ പ്രതിരോധശേഷിയൊക്കെ കുറഞ്ഞിരിക്കുകയല്ലെ. കൂട്ടുകാര്‍ വെള്ളം കണ്ട് ചാടിവീണു.ഗിരീഷ്,ചെറിയ പനി പോലും വകവയ്ക്കാതെ.


Gloomy Sunday



Here are some drawings from the story board for Gloomy Sunday.
   I had planned it 4 years back. Unfortunately it didn't happen then. 
Even though  I gave up the project back then, yesterday night I did a small boardomatics and uploaded it in youtube.
here is the link.





sabarimala

ഒരു വര്‍ഷത്തോളമായിക്കാണും, ഈ ശബരിമല ട്രിപ് നടത്തിയിട്ട് .ജോലിസംബന്ധമായ യാത്രയായിരുന്നെങ്കിലും,ഒരു തീര്‍ത്ഥയാത്രപോലെ ആസ്വദിച്ചു.

:)

കൊടൈക്കനാലിലും വെയിലോ !!

my village






എന്റെ നാട് .
ഈ ഫോട്ടോകള്‍ എടുത്തത് ഗിരീഷോ,രമേട്ടനോ ആണെന്നു തോന്നുന്നു .

kodaikanal




കൊടൈക്കനാലിലെ കുറച്ച് ഫോട്ടോസ് .